首先工欲善其事，必先利其器，這句說話是老套也好，是良言也好，總有它可取之處．
        在電結他群中，主要可選擇都是美國的大牌子


          Fender

• Stratocaster: 不用多講，大部份結他手都有一支，新出的soundless model，也不俗，一萬蚊，都抵玩．而有支是迪士尼圖案的，不過要十萬，去美國先買到，實在可遇不可求
  
• Telecaster: 要試真d，買custom shop都幾有保証，但聽行家講，試過買一支八千蚊左右，拍得上萬六蚊，所以一定要試清楚，支支質素也不一
  
• Robben Ford: play blues，音質較為清脆
  
  
  Gibson
  
• Les Paul: 係人都識，唔多講
  
• SG: 我買個支五千蚊的SG，嘩！都算不錯，尤其是玩POWER CHORD，勁到爆炸，所以五千幾蚊，買支GIBSON，實在是THE BEST OF THE CHEAP．135，335，335TD，LUCILLE，這批我會選擇335，因 為我聽過D聲，玩JAZZ會聽到你耳水不平衡架！
  
• 而LUCILLE我就麻麻... ..只結他咩起已經冇力彈，不過誠然是一支好結他
  
• 而特別介紹FUSION，嘩！D高音正到不得了，尤其是一二線在第九格之得，實在用'絕頂'都不能形容其靚聲，可惜GIBSON的結他到了香港之後通常第一線都向右傾，因此很容易會甩FRET，或 痴FRET，所以千萬選擇時要小心
  
  
• 若閣下要選擇ACOUSTIC，當然要選MARTIN老大哥啦，平者過萬，貴者三四萬，實在是我們這批後生仔望門興嘆的價錢
  
• 而老二TAYLOR也實在不錯，萬四蚊買支七號頭也不錯了，襯TOM LEE暑假減價時可考慮考慮
  
• 而加拿大牌子GODIN，也屬不俗之選，有支可以入S YNTHESIZER的魚絲線電木，簡直是彈聖詩者之至愛，其觸感及入SYNTHES IZER後的效果，彈CHORD SOLO，簡直如入仙境，置身音樂桃源！
  
• OVATION最近出左隻全新纖維結他，萬五蚊左右，應該不乏捧場客，至少任賢齊應該會買掛，佢隻隻CD都有OVATION出現O既，RIGHT？不過講起OVATION，奉勸大家不要貪平買KOREAN MADE，因為質素實在太差，我買個一支，哎，不願多說！
  
  
  
  　　各位老兄，得三四千蚊就繼續努力儲錢，五六千蚊買SG，一萬蚊買支STRAT，萬五蚊買支TAYLOR，萬八蚊買支TELECUSTOM SHOP，廿皮野可唸唸ROBBEN FORD，三皮野咁就去買MARTIN啦，六皮野買多支335，十皮野買埋支迪士尼，筆者實在發梗夢可.....唔好意思．
  
  　　咁耐都未講選購木結他，小弟實不在行，就交返俾D古典手分享了，不亂拋書包，小弟有支ADMIRA，西班牙出品，都算不俗！
  
  　　若要我選擇一生中三支結他，我會要一支迪士尼設計的STRAT，一支GODIN配上ROLAND的SYNTHESIZER，及一支335，那麼，實在心滿意足了......
  
  　　不過，買得多結他冇技術去彈也是徒然的，所以各位結他手，一齊努力！

**source by Mountain
thank Mountain

back to guitar lesson